Тұрғын үйді жабдықтайтын комбинаттар салынбақ...

Тұрғын үй саласын жабдықтайтын құрылыс комбинаттары салынатыны рас па?
Бауыржан ЕҢСЕБАЕВ, Алматы қаласы
Құрылыс және тұрғын үй-коммуналдық ша­руа­шылық істері агенттігінің төрағасы Серік Но­кин мырзаның айтуынша, болашақта тұрғын үй саласын материалдық жабдықтармен қамта­масыз ететін құрылыс комбинаттары салынбақ. Бұл іс 2013 жылы қолға алынбақ. «900 мың шаршы метрді құрайтын 6 тұрғын үй индус­триялық құрылыс комбинаттары технологиялық дамуға бір қадам жақындай түскенімізді айқындайды» дейді мамандар. Жалпы, тұрғын үй ісіне жауапты агенттік келешекте халықаралық құрылыс комбинаттарымен тығыз қарым-қаты­нас орната отырып, еліміздегі тұрғын үй саласын­дағы а) жылумен, электрмен, газбен жабдықтау және бұру жүйесін одан әрі дамытуға; ә) энергия және ресурс үнемдейтін техноло­гияларды енгізуге, б) тұрғын үйлердің (құрылыстардың) беріктігі және ұзақ уақытқа жарамдылығын қамтамасыз ету үрдістерін одан әрі жетілдіре түсуге барынша ден қойып отыр.