ХАМАС қандай ұйым?

Телеарна жаңалықтарында Таяу Шығыстағы жағдайлар туралы күнделікті ақпарат беріліп отырады. Сонда ХАМАС туралы жиі айтылады. ХАМАС-ты саяси партия дейтіндер де, террорлық ұйым деп те атайды. Жалпы, ХАМАС-тың көздегені не?Дәулет ҚАРАБАЙ, Шымкент

ХАМАС сөзінің араб тілінен аударылғанда негізгі мағынасы Исламдық қарсылау қозғалысы дегенді білдіреді. 2007 жылдан бастап Газа Секторында билік орнатып отырған бұл саяси күштің іс-әрекеттеріне қарап, көптеген мемлекеттерде террорлық ұйым ретінде қарастырылады. ХАМАС қозғалыс ретінде осыдан дәл 22 жыл бұрын, яғни 1987 жылдың 15 желтоқсанда құрылды. Саяси құрылымның негізгі мақсаты – ислам-теократиялық Палестина мемлекетін құру болып табылады. Сол мақсат-мүдде жолында хамастықтар барлық іске барудан тайынбайды. Мысал ретінде айтар болсақ, 2006 жылы ұйымның балаларға арналған интернет сайты ашылды. Ондағы мақсаты – ғаламтор арқылы балалар мен жастардың санасына шахид жасауды ерлік деп түсіндіру. Осындай әрекеттері үшін ХАМАС-ты Канада, Еуроодақ, Израиль, АҚШ, Жапония және Ресей террорлық ұйым ретінде қараса, олардың жұмыс істеуіне Австралияда, Иорданияда және Ұлыбританияда тыйым салынған. Ал араб елдерінің халқы (ПА, Сирия, Египет – 90 пайыз, Ливан – 67 пайыз) керісінше ХАМАС-ты легитимді саяси партия деп таниды.