ХХ ғасырда 10 мемлекет жоғалып кетті

ХХ ғасырда көп империя ыдырады. Олардың нақты тізбегін көрсетіп бере аласыздар ма?
Ерден, Түркістан
ХХ ғасырдың ба­сын­да әлемде тәуелсіз елдердің саны 100-ден асқан жоқ. Қазір 200-ге жуықтайды. Ірі мемлекеттер, им­пе­риялар құлап, ұлттық ерекшелікке не­гізделген шағын елдер пайда бо­лып жатты. Сонымен, жоғалып кет­кен 10 елге мыналар жатады:
1) Кеңес Одағы (1922-1991 жж. ара­лығында өмір сүрді).
2) Сикким. Біздің эрамыздың VIII ғасырынан бастап 1975 жыл­­ға дейін өмір сүрді. Өздігінен өмір сүре алмаған соң өз еркімен Үн­дістанға қосылып кетті.
3) Осман империясы (1299-1922). Мароккодан бастап Парсы шы­ғанағына дейін, Судан мен Вен­грия аралығында дәурен құрған алып империя.
4) Біріккен Араб Республикасы (1958-1971) Барша араб әлемін бір тудың астына біріктіріп, қарама­ғы­на Израильді қосып ұлы держава құрмақ болған Сирия президенті Га­мел Абдель Насердің бастамасы өзі қайтыс болған соң қайта қирады.
5) Оңтүстік Вьетнам (1955-1975).
6) Тибет (1913-1950). Бұл аймақ  әс­кери жолмен ҚХР құрамына енгі­зіл­ді.
7) Австро-Венгрия (1867-1918). Бір кездегі ерекше қуатты мемлекет экономикалық дағдарыс пен саяси жағдайларға байланысты ыдырап кетті.
8) Югославия (1918-1992) Австро-Венгрияның ыдырауы нәти­же­сінде құрылған мемлекет.
9) Чехословакия (1918-1993).
10) Шығыс Германия (1949-1990).