Жақсы домбыра қанша тұрады?

Жақын, сыйлы бір ағамыз бар еді. Сол кісінің туған күніне қазақтың домбырасын сыйға тартсам деп едім. Жақсы домбыраны қалай таңдауға болады және оның құны қанша?
Шыңғыс ХАСЕНОВ, Семей қаласы
Домбыра кәсіби деңгейдегі орын­дау­шыларға және жай әуесқойларға ар­нал­ған болып бөлінеді. Олардың ба­ға­сында да айырмашылық бар. Қара­пайым домбыраны кез келген ағ­аш ұстасы жасай береді. Базарларда саты­латын арзан бағадағылар 1500-ден басталып 3000 теңгеге дейін тұрады. Ал кәсіби домбырашы, әншілердің домбырасы базарда сатылмайды. Оны тек мықты домбыра шеберлері ғана жа­сайды. Республикамызға аты мәлім Айт­мұхамбет Тежекенов, Жолаушы Тұр­дықұлов, Нарбек Оқанов, Жақсылық Оспанов, Сұлтан Мұсаев есімді шеберлер бар. Оларға арнайы тапсырыс беріп, домбыра алуға болады. Бағасы – 500 бен 2000 АҚШ доллары аралығында. Егер сыйға қалыбымен тартар болсаңыз, оның бағасы бұған кірмейді. Безендірілуі мен материалына қарай олар – 10 000 теңгеден 1000 АҚШ долларына дейін. Мықты әрі дыбысы жақсы домбыра алар алдында музыкалық білімі бар күйші не әншіге тартқызып, таңдатып алғаныңыз жөн.