Зейнетақы қорына өзім ақша салсам бола ма?

Мен тұрақты жұмыс істемеймін. Базарда сауда жасаймын. Аздаған жылдан кейін зейнеткерлікке шығамын. Сұрайын дегенім, кейін зейнетақысыз қалмау үшін не істеуім керек? Зейнетақы қорына өзім ақша салып отырсам бола ма? 
Бектұр ҚАСЫМОВ, Алматы қаласы
Алдымен сіздің әлеуметтік жеке код алғаныңыз жөн. Ол үшін Мем­ле­кеттік зейнетақы төлеу орталы­ғының жергілікті бөлімшесіне барып, тіркеу карточкасын толты­расыз. Ол жаққа жеке куәлігіңізді ала барыңыз. Одан кейін зейнетақы жарнасы жөнінде келісімшартқа отыру керек. Ол үшін зейнетақы қорларының бірін таңдаңыз. Сөй­тіп, келісімшартқа отырғаннан кейін банк арқылы өз зейнетақы қоры­ңызға ақша аудара аласыз. Оған ақшаны ай сайын аудару міндетті емес, үш айда немесе жарты жылда бір аударсаңыз да болады.