Жүректі қалай таза ұстаймыз?
ЖҮРЕК - адам денесіндегі сезімдер тұрақтаған мүше.Адамның жақсы не жаман болуы осы жүрекке тікелей байланысты.Мысалы, жақсы адамдарды "жүрегі таза адам","жүрегі жұмсақ жан" деп сипаттап жатады.Жəнеде жаман адамдарды "жүрегі тас","жүрегі қарайған адам" деп сипаттайды.Яғни,осы сөздер жүрегіміз қаншалықты таза немесе қарайған екендігіне байланысты айтылады.
Енді,қалай жақсы адам болып,қалай жүректі таза ұстаймыз?Бұл жайында мынадай тəмсіл бар :
Жүрек - бір бассейн секілді. Бассейнге төрт құбырдан су келіп құятын болса жəне ол төрт құбырдан таза , мөлдір су ағатын болса, бассейн тап-таза болар еді. Ал енді үш құбырдан таза су ағып , тек біреуінен лай су ақса, онда бассейн сəл лайсаңдау болар еді. Ал толықтай бар құбырдан лай су ақса,онда бассейннің іші шалшық суға айналар еді.
Жүректе сол секілді. Жүрекке келіп құятын арнайы төрт құбыр бар. Олар: құлақ, ауыз, көз , ой. Егер осы құбырлардан бассейнге таза су аққаны секілді жақсы нəрселерді кіргізер болсақ, жүрегіміз таза болар еді. Жақсыны естіп,жақсыны көріп , жақсыны ойлап , жақсыны айтатын болсақ жүрек мұнтаздайын. Ал кірісінше, жүрек құбырларын жаман нəрселрге пайдалансақ, мысалы, жаман нəрсе көріп , естіп, айтып əрдайым жаман ойда болсақ онда жүрегіміз бассейн шалшыққа айланғаны секілді жүректеріміз бүлінер еді.
Құбырларымызды тазалап жүрейік. Құбырлары таза тек сəбилер шығар....
(тəмсілден)
