«Қазақ жері белгіленген». Ерлан Қарин көне картаны қолға түсіргенін айтты
Мемлекеттік кеңесші Ерлан Қарин өзінің Facebook-тегі парақшасына көне карталардың бірін тапқанын жариялады, - деп хабарлайды Alashainasy.kz тілшісі Нalyq-uni.kz-ке сілтеме жасап.
Көптен бері іздеп жүрген, тарихи тұрғыдан өте құнды картаны қолға түсірдім. Оригинал карта. 1584 жылғы. Қазақ атауы мен жері белгіленген көне карталардың бірі, - деді ол, картаның суретін жариялай отырып.
Жазбаға пікір білдірген журналист Бақытбек Қадырдың айтуынша, бұл – 1584 жылғы емес, ағылшын дипломаты Энтоний Дженкинсон 1562 жылы сызған дүниежүзі картасы екен. Сондай-ақ 1570 жылы Белгияда жарық көрген.
«Карта Полшаның Вроцлав университетінің кітапханасында сақталып келген. Көлемі – 101,7 см, ені – 81,7 см. Бұрында осы жайлы жазғаным бар еді», - деді әріптесіміз.
