Ұстаз – үнемі ізденіс үстінде болатын шығармашыл тұлға
«Астана ақшамы» газетінің құрметті тілшісі, Тарих және қоғамдық ғылымдар академиясының академигі, Қазақстан Ұлттық тарихышылар конгресінің мүшесі, №58 мектеп-гимназиясы тарих пәнінің мұғалімі
ТОҒЫЗҚҰМАЛАҚ
Көз салсам сілеміне көне заман.
Тәрбиелік тағылым алар әрбір адам.
Тарихы бар бұл ойынның төртмыңжылдық,
Ойнауға ұмтыл ойынды келсе шамаң.
Уақыт – керуен, қашанда сапарда адам,
Өмір соқпақ, кей жаққа ол апармаған.
Тоғызқұмалақта қаншама құпия бар,
Танып біліп біз әлі аша алмаған.
Ойлар теңіз, үңілгін тереңіне,
Өткен күн, келер таңның берері не.
Қазақтың кең тараған бір ойыны,
Тоғызқұмалақ ойнамасаң керегі не.
Тозар, бітер жоғалар жиған мүлік
Бізге бүгін керегі имандылық
Жасөспірімдер бойына дарытамыз,
Тәрбиелік ой қасиетін тағылымдық.
Төзімділік, сырға толы тағылымдық,
Ұшқыр ой, жүйрік қиял сабырлылық.
Осындай қаситтерін танып-біліп,
Оқушылар ойын барысында алған ұғып.
Салмақтылық, есептегіштікті, дарытады,
Терапиялық қасиеті ойды байытады.
Тоғызқұмалақ қызықты ойлы ойын,
Қазағымның мінезін танытады.
Уақыт – тарих айтады дала бәрін,
Бізге әкелген өмірдің жаңаларын.
Кезінде бұл ойынды жақсы ойнаған,
Ұлы Мұхтар, Қуанышбаев даналарым.
Ғасырдан – ғасыр ұрпаққа дарыры анық,
Бір жағдай бар бүгінде қуанарлық.
Тоғызқұмалақ – зияткерлік ойыны,
Келеді мектебімізде өркен жайып.