12 жасар қызын балталап тастаған өгей әке
Ақтөбеде 12 жасар қызын балталап тастаған Темур Ділметов 15,5 жылға бас бостандығынан айырылды. Ол бұрынғы әйелі мен өгей қызына 2 миллион теңге моральдық шығын төлейді, деп хабарлайды Bnews.kz тілшісі.
Өгей қызының сол жақ қолы мен аяғын жансыздандырып, миына зақым келтерген Темур Ділметов сотта өз кінәсін мойындамады. Ол бәріне анасы кінәлі деп бар айыпты жоққа шығарды. Айыпталушы Т.Ділметовтің бар іс-әрекетін прокурор Амангүл Жұмағалиева нақтылап берді. №2 қалалық сотының судьясы Мәдина Сисенов оны 15 жыл 6 айға бас бостандығынан айырды. Ол қатаң режимдегі түзету колониясында жазасын өтейді.
Еске салсақ, 2015 жылдың 9 наурызында Тимур Ділметов ас үй балтасымен өгей қызын ұрған. Жарақат алған 12 жастағы қыз қазір емделіп жатыр. Ол мүгедек болып қалды.
bnews.kz
