Біржыныстылықты насихаттау ашық жүріп жатыр - тосқауыл неге қойылмайды?
«Қазақстандық Ата-Аналар одағы» РҚБ Балтабаева Бағиланың ұйымдастыруымен пресс-конференция өткізді.
ЛГБТ насихатын тоқтатпасақ "Еркек еркекке, әйел әйелге үйленетін заман келе жатыр" дейді пресс конференцияға қатысушылар.
Соңғы жылдары еліміздің бас қалалары Астана мен Алматыда феминисттік ұйымдар шеру мен минитингтерді өткізіп жүр.
Әкімшіліктен рұқсатты әйел құқығы, бала құқығы, отбасындағы зорлық-зомбылық тақырыбымен алып, бірақ іс жүзінде түрлі түсті жалауды жамылып, жас жеткіншектерді жинап, астыртын лгбт ұйымын насихаттайды. Осы тақырып жөнінде сөз қозғалып, зиялы қауым өкілдерімен пресс-конференция өтті.
– ЛГБТ, феминизм қозғалысы - қой терісін жамылған қасқыр іспетті, - дейді Б. Балтаева.
"Феминисттік ұйымдардың жылда 8 наурызда өткізетін митингтерінің көздегені не?" деген өзекті мәселе көтерілді.
Жиынға блогерлер мен журналистер және Марат Тоқашбаев, Әмір Мәуленов, Айдос Оразай,т.б зиялы қауым өкілдері қатысып, сөз сөйледі.
Пресс-конференция "Әсірефеминизм астыртын келген жаумен тең. Феминизм, ЛГБТ қозғалысының түпкі мақсаты - ел тұрақтылығын шайқалту" - екені кеңінен талқыланды.
Марат Тоқашбаев, журналист, Жазушылар одағының мүшесі: – Осы мәселемен мен 7-8 жылдан бері айналысып келе жатырмын. Әлеуметтік желіде талай мақала жазып, посттар шығарып жүрдік. Мұның бәрі жас ұрпаққа әсер етпей қоймайды. Дүниежүзінде ғалымдардың зерттеуінше, табиғи ауытқушылығы басым болып, әйелдерде еркектің, еркекте әйелдің гармондары басым дертке ұшыраған адамдардың саны небәрі 4-5% болады екен. Ал қалған жағдайларда іс жүзінде зорлық-зомбылықтың нәтижесі.
Бүкіл дүниежүзіндегі лгбт қауымдастығының ұстанып отырған саясатының ешқандай тарихи мән-маңызы жоқ. Бар мақсаты - адам баласын жою. Ер мен әйелден жаңа ұрпақ, жаңа буын пайда болады. Ал біржыныстылардың әрекетінде тән рахатынан басқа ештеңе жоқ. Дінімізге де қарсы нәрсе.
