"Чип-чип"-тің орнын "Ойпырмай" баса ала ма?
Той жасаудан алдына жан салмайтын Шымкент пен Тараз өңірінің тойларында бүгінде «Ойпырай» әні хитқа айналған көрінеді. Әннің орындаушысы – Жолдасбек Әбдіхан есімді жас әнші. Тойларда «тұсауы кесілген» хиттердің ішінде Жолдасбектің «Ойпырмайы» Асхаттың «Мариясынан» еш кем түспейтін болса керек.
«Ойпырмай, ойпырмай
Бірге билеп кетсем бе екен жай тұрмай.
Ойпырмай, ойпырымай
Есімің де қалмасыншы айтылмай» деп жұртты жапатармағай билетіп жүрген әнші бұған дейін де тойға арналған «Биле, биле» атты ән жазған болатын. Одан бөлек Жолдасбектің репертуарында «Өкінбеймін», «Махаббат жыры», «Ғажайып арман», «Жан ана», «Ақ құсым», «Қимаймын» секілді көпшілікке жақсы таныс әндері бар.
Сонымен қазақ тойының шырайын келтіретін «Қызыл өрік», «Мария Магдалена» әндерінің қатарына қосылған «Ойпырмай» әнін тыңдап, көңіл күйіңізді бір көтеріп қойыңыз!!!
«Ойпырмай»
“Биле, биле”
«Ақ құсым»
