«САРЫН» ТОБЫНА НЕ БОЛДЫ?
«Сарын» тобының құрамы өзгерді. Осы орайда топ продюсері Данияр Өтегенге қоңырау шалып, топ жайлы толық мәлімет сұрадық.
«Иә, топ құрамы өзгерді. Дисциплиналық жəне тағы да басқа жағдайларға байланысты Айтбекті «Сарын» тобының құрамындағы жұмысынан босатуға тура келді. Топтың жаңа мүшесі Берік Бердекеев атты жігіт. Алда Берік топтың шығармашылығына өз үлесін қосып, жаңа дем беріп, менің «Сарын» тобына байланысты үміттерімді ақтайды деген сенімдемін. Ал топтың бұрыңғы мүшесiне сәттiлiк тiлеймiн»- деді Данияр Өтеген.
«Сарын» тобының құрылғанына биыл 2 жыл болды. Осы уақыт аралығында топ 2 бейнебаян және 15-ке жуық авторлық ән жазып үлгерген.
Енді жаңа құрамда Алтынай Төлембетова мен Берік Бердекеев өнер көрсететін болады. Ендеше топтың жаңа құрамына шығармашылық табыстар тілейміз!
