Отандық шоу-бизнес жұлдызы, әнші Шахизада демалыс күнін қалай өткізетінін әңгімелеп, журналистерді үйінде қонақ қылды. Өнер иесі өзі тұрып жатқан баспанасын көпшілікке көрсетіп, аңсаған арманы туралы да жан сырын ақтарды деп жазады KAZ.NUR.KZ "Жұлдызды Weekend" бағдарламасына сілтеме жасап.
Фото: видеодан кадр. Коллаж: KAZ.NUR.KZ
Шахизада Байбатжанованың әрбір демалыс күні міндетті түрде жаттығу залынан бастау алады екен.
Өнер иесі денесін шынықтырып болған соң, немерелерін ойын-сауық орталығына апаруды дәстүрге айналдырған.
Қалған уақытын әнші үй шаруасына арнағанды жақсы көретінін жасырмады.
Шахизада БАҚ өкілдеріне көрсеткен үйінде бес жылдан бері тұрып жатқанын да атап өтті.
Әнші пәтерін таныстыру барысында, өзінің асқақ арманын да айта кетті.
Өнер иесінің сөзінше, болашақта бұдан да үлкен үй соғып, бала-шағасымен және немерелерімен бір шаңырақ астында тұрғысы келеді.
Еске сала кетейік, бұған дейін белгілі продюсер Гүлзира Айдарбекова әншінің үш қабатты жаңа үй салғанын көрсетіп, қуанышына ортақтасып шашу шашып қайтқанын жазған еді.
Алайда өнер иесі үйдегі жөндеу жұмыстары әлі толық бітпегенін айтқан.
Ал таяуда қос құрбы бірге Малайзияда демалып келді.
