«Жұлдыз» болғыңыз келсе «Болашаққа» барыңыз!
Таяуда Астана қаласында «Болашақ» өнер мектебі ашылды. Жаңа жылдан бастап жаңа оқу жылын бастаған өнер-білім орталығы жас талапкерлерді қабылдауды жалғастыруда.
«Болашақ» өнер мектебі келешекте өнер көгінде жарық «жұлдыз» болғысы келетін 10 жастан 23 жасқа дейінгі аралықтағы талапты, дарынды жасөспірімдер мен жастарды шақырады. «Болашақ» мектебінде жастарды ақындыққа баулитын ақындар сыныбы, теле-радио журналистерін дайындайтын медиа-студия, домбырамен ән айтуды үйрететін арнайы бөлім бар. Ақындар сыныбында белгілі ақындар Қалқаман Сарин мен Серікзат Дүйсенғазин дәріс береді. Ал медиа-студияда сценарий жасау, эфир жүргізу, хабар жасаудың қыр-сырымен таныстыратын, қысқасы теле-радио журналистерін дайындайтын белгілі журналистер – Әсел Ергешқызы, Ғалия Өзбекбайқызы, Майра Төлепберген, Жансерік Бейсеев, Нұрсұлтан Құрман. Сондай-ақ медиа-студияда сахна тілі, шешендік өнерге баулу, көркемсөз оқу шеберлігін үйрету де қамтылған. Домбыра тартуды, ән айтуды жастарға Ерлан Рысқали секілді дүл-дүл әншілер, өнер иелері үйретеді.
«Болашақ» мектебінің мекен-жайы:
Астана қаласы, Қабанбай батыр көшесі, 40 ВП 45
Байланыс телефондары: 8 (87172)680429, 8 (705)5554417
e-mail: bolashak.onermektebi@mail.ru
