Бек Әметұлы Әметов
.jpg)
Бек Әметұлы Әметов 1963 жылы 17 тамызда Оңтүстік Қазақстан облысы Қызылқұм ауданы Маяқұм ауылында дүниеге келген. 1987 жылы Қазақ мемлекеттік университетін бітіргеннен кейін Орал (қазіргі Батыс Қазақстан) облысы Тайпақ ауданының прокуратурасында тергеушінің сынақ мерзімінен өтіп, 1990 жылдан Жамбыл қаласы Орталық ауданының прокуратурасында тергеуші, Жамбыл қалалық коммунальдық меншік басқармасында бөлім бастығы, 1992 жылдан Батыс Қазақстан облысы Тайпақ ауданы прокуратурасының тергеушісі қызметтерін атқарды.
1994 - 1996 жылдар аралығында Тайпақ аудандық халық сотының судьясы, сот төрағасы болды. 1996 жылы Батыс Қазақстан облыстық сотының судьясы лауазымына тағайындалды.
Қазақстан Республикасы Президентінің 2004 жылғы13 желтоқсандағы № 498 Жарлығымен Батыс Қазақстан облыстық сотының қылмыстық істер жөніндегі сот алқасының төрағасы, ал 2009 жылғы 31 желтоқсандағы № 913 Жарлығымен Батыс Қазақстан облыстық сотының судьясы болып қайта тағайындалды.
Б.Әметов 2007-2010 жылдары «Қазақстан Республикасы Судьялар Одағы» республикалық қоғамдық бірлестігінің Батыс Қазақстан облысы бойынша филиалының төрағасы болды.
2010 жылғы ақпан айынан Ақмола облыстық облыстық сотының қылмыстық істер жөніндегі кассациялық сот алқасының, 2012 жылдан Оңтүстік Қазақстан облыстық сотының қылмыстық істер жөніндегі апелляциялық сот алқасының төрағасы болып жасады.
Қазақстан Республикасы Президентінің 2014 жылғы 6 мамырдағы № 816 Жарлығымен Батыс Қазақстан облыстық сотының төрағасы болып тағайындалды.
