Болатбек Ақылбайұлы Бұлғақбаев
Болатбек Ақылбайұлы Бұлғақбаев 1953 жылы 16 қаңтарда Алматы облысы Жамбыл ауданы Дегерес ауылында дүниеге келген. 1974 жылы КСРО ІІМ Қарағанды жоғары мектебін, 1994 жылы РФ ІІМ Академиясын бітірген, заңгер-құқықтанушы. Қаржы полициясының генерал-майоры.
1974-1975 жылдары – Қаскелең АІІБ тергеушісі. 1975-1977 жылдары – Қарағанды облатқарукомы ІІБ аса маңызды істер жөніндегі инспекторы, аға инспекторы. 1977-1980 жылдары – КСРО ІІМ Киев жоғары мектебінің адъюнкті. 1980-1983 жылдары – КСРО ІІМ Қарағанды жоғары мектебінде оқытушы, аға оқытушы. 1983-1989 жылдары – Жамбыл АІІБ инспекторы, аға инспектор, КМҰКБ бастығы Басқарма бастығының орынбасары, Алматы облысының ІІБ штаб бастығының орынбасары. 1990-1992 жылдары – Қазақстанның ІІМ бөлім бастығының орынбасары, штаб бастығының орынбасары. 1992-1994 жылдары – Президент Аппараты мен Министрлер Кабинеті заңнама бөлімі бастығының орынбасары. 1994-1996 жылдары – ҚР ҚМ Бас салықинспекциясы бастығының орынбасары – Салық полициясы бас басқармасының бастығы. 1996-2000 жылдары – Қазақстанның Көлік инспекциясы бастығының орынбасары, басқарма бастығы, «Қалжат» кеден терминалының бастығы. 2000-2001 жылдары – ҚР Президентінің Әкімшілігі Мемлекеттік-құқық бөлімінің мемлекеттік инспекторы. 2001 жылы – ҚР ӘМ Тіркеу қызметі комитетінің төрағасы. 2001 жылдың қарашасынан – ҚР Қаржы полициясы агенттігінің төрағасы. 2004-2005 жылдары – Алматы қаласы бойынша ҚПД бастығы. 2006 жылдан бастап – ҚР ҰҚК бастығының орынбасары, бастығы. 2008 жылдан бастап – Есiрткi құралдарының, психотроптық заттар мен олардың прекурсорларының заңсыз айналымына қарсы күрес жөнiндегi Орталық Азия өңiрлiк ақпараттық үйлестiру орталығының толық құқылы өкілі.
БҰҰ Есірткі және қылмыстылық басқармасының (ЮНОДК) ауқымды жобаларының бірі – Қазақстандағы Ортаазиялық жергілікті ақпараттық үйлестіру орталығының (ЦАРИКЦ) төрағасы, Алматы (2009). Милиция қызметкерлеріне арналған қазақша-орысша сөйлесу сөздігін бірінші болып құрастырды.
