Болатбек Мұхтаров
Болатбек Мұхтаров 1982 жылы 11 ақпанда Ақтөбе облысындағы Ойыл ауданының орталығында туған. Н.К.Крупская атындағы Ойыл қазақ орта мектебінде озат оқушы болды, бала кезінде аудандық «Ойыл» газетіне, республикалық «Ұлан» балалар газетіне хат-мақалалар жазып тұрды, «Ұланның» жас тілшісі де болды. 1999 жылы мектепті тәмамдағаннан кейін Қ.Жұбанов атындағы Ақтөбе мемлекеттік университетінің филология факультетіне оқуға түсіп, оны қазақ тілі мен әдебиеті мамандығы бойынша үздік дипломмен аяқтады. Сол жылы Ақтөбе облыстық «Қазақстан-Ақтөбе» телекомпаниясының жаңалықтар қызметіне тілші болып, еңбек жолын бастады. 2006-2008 жылдары «Қазақстан» РТРК» АҚ Ақпараттық-сараптамалық бағдарламалар дирекциясының Ақтөбе облысындағы меншікті тілшісі қызметін атқарды. 2008 жылы ұлттық арнаның таңғы бағдарламалар бірлестігінің (Алматы) бағдарлама дайындаушы редакторы болып жұмыс істеді. 2009 жылдың 5 қаңтарынан бері «Алаш айнасы» республикалық қоғамдық-саяси ақпараттық газетінің жаңалықтар бөлімінің редакторы. Бірнеше республикалық журналистік байқаудың бас жүлдесін жеңіп алды. ҚР Журналистер одағының алғыс хатымен марапатталған.
