Ерген Николайұлы Дошаев

Ерген Николайұлы Дошаев 1958 жылы 19 қаңтарда Ақтөбе облысында дүниеге келген. Ақтөбе мемлекеттік педагогикалық институтын, Мәскеу заң институтын тәмамдаған.
Институтты бітіргеннен кейін «Актюбинский вестник» облыстық газетінде тілші болып істеген. 1992-1996 жылдары Ақтөбе облыстық әкімшілігі Басшысы аппаратында баспасөз-хатшысы, баспасөз қызметінің жетекшісі, ішкі саясат және ақпарат бөлімінің меңгерушісі, көмекшілер мен кеңесшілер тобының жетекшісі болып істеген. 1996 жылы – Ақтөбе облтелерадиокомпаниясының төрағасы. 1996-1999 жылдары – Ақтөбе облысы әкімінің орынбасары. 1999-2002 жылдары – «Медимпекс» ЖШС-нің қаржы директоры, «Отандастар Полиграфия» ЖШС-нің директоры. 2002-2006 жылдары – «Атырау Акпарат» коммуналдық мемлекеттік кәсіпорнының төрағасы. 2003-2006 жылдары ІІІ сайланған Атырау облыстық мәслихатының депутаты болды. 2006-2007 жылдары – Қазақстан Республикасы Экономика және бюджеттік жоспарлау министрлігі аппаратының басшысы. 2007-2012 жылдары – Қазақстан Республикасы Парламенті Мәжілісі Аппаратының басшысы. 2012-2013 жылдары бесінші сайланған Қазақстан Республикасы Парламенті Мәжілісінің депутаты болды. «Кұрмет», «Парасат» ордендерімен және бірнеше медальмен марапатталған. Қазақстан Республикасының еңбек сіңірген мәдениет қайраткері.