Гүлзат Бейсенқызы Дәуірбаева

 Гүлзат Бейсенқызы Дәуірбаева 1967 жылы 6 желтоқсанда Оңтүстік Қазақстан облысы Шымкент қаласында дүниеге келген. Алматыдағы Опера және балет театры жанындағы вокальдық хор студиясында, 1993-2000 жылдары Құрманғазы атындағы консерваторияның ән факультетінде оқыған.
1985 - 1993 жылдары Алматыдағы Опера және балет театрында хор артисі болды. 2001 жылдан Алматыдағы Абай атындағы Қазақ мемлекеттік академиялық опера және балет театрының әншісі.
Вердидің «Реквиемінен» сопрано партиясын, «Тоскасындағы» Тоска, «Богемада» Мими, Чайковскийдің «Евгений Онегин» операсында Татьяна, «Қарғаның мәткесінде» Лиза, «Иолантада» басты партия, Төлебаевтың «Біржан - Сарасында» Сара, Брусиловскийдің «Ер Тарғынында» Ақжүніс, Ғ.Жұбанованың «Құрманғазы» операсында Әуес, Б.Жұманиязовтың «Махамбетінде» Зылиха партияларын орындап жүр. Гастрольдік сапармен Италия, Венгрия, Ресейде болып өнер көрсетті. Мәскеудің Үлкен театрының шақыруымен «Евгений Онегин» операсындағы Татьяна партиясын орындады (2003 жылы).
Бернд Вайкель атындағы халықаралық әншілер байқауының (2002 жылы) және Астана қаласынды өткен Күләш Байсейітова атындағы әншілердің республикалық конкурсының (2002 жылы), Ш.Қалдаяқов халықаралық конкурстың лауреаты.
«Қазақстан Республикасының тәуелсіздігіне 10 жыл» (2001) медалімен марапатталған.