Мәрия Бесбайқызы Жүйріктаева
Мәрия Бесбайқызы Жүйріктаева 1940 жылы 16 қыркүйекте Алматы облысының Жамбыл ауданында дүниеге келген. Қазақ мемлекеттік қыздар педагогикалық институтын жәіе Қазақ мемлекеттік университетін тәмамдаған. Қоғам және мемлекет қайраткері.
1976-1980 және 1989-1991 жылдары - Қаскелең педагогикалық училищесінің директоры. 1980-1981 жылдары - Жамбыл аудандық оқу бөлімінің меңгерушісі. 1981-1983 жылдары - Қазақ КСР Кәсіби-техникалық білім беру жөніндегі мемлекеттік комитетінің бөлім бастығы. 1983-1987 жылдары - Қаскелең аудандық партия комитетінің хатшысы. 1987-1989 жылдары - Алматы облысы Мәдениет басқармасының бастығы. 1991-1995 жылдары Қаскелең аудандық атқару комитеті төрағасының орынбасары, аудандық әкімшілік бастығының орынбасары қызметтерін атқарған. 1995-1999 және 1999-2004 жылдары Қазақстан Республикасы Парламенті Мәжілісінің депутаты, Халықаралық істер, қорғаныс және қауіпсіздік жөніндегі комитеттің мүшесі болды.
«Құрмет» орденімен және медальдармен марапатталған.
