Нұрлан Мұхтарбекұлы Ыбырайым
Нұрлан Мұхтарбекұлы Ыбырайым 1973 жылы 25 тамызда Қырғызстанның Фрунзе (қазіргі Бішкек) қаласында дүниеге келген. 1996-1997 жылдары Алматы қаласы Мәскеу ауданы әкімінің аппаратында мемлекеттік-құқықтық бөлімінің бастығы. 71997-1998 жылдары - Қазақстан Республикасының Президенті Істері Басқармасының аға референт-заңгері. 71998-2001 жылдары Қазақстан Республикасы Президенті Әкімшілігінің заңнама және сот жүйесі мәселелері жөніндегі бөлімнің аға сарапшысы, Мемлекеттік-құқықтық бөлімнің консультанты, бас сарапшысы болып жұмыс атқарды. Қазақстан Республикасы Әділет министрлігінің Зияткерлік меншік құқықтары жөніндегі комитет төрағасының орынбасары, Қазақстан Республикасы Әділет министрлігінің Тіркеу қызметі комитет төрағасының орынбасары. 2004-2007 жылдары - Қазақстан Республикасы Парламенті Мәжілісінің Аппараты Басшысының орынбасары. 2007 жылғы қыркүйек пен 2008 жылғы маусым аралығында «Нұр Отан» ХДП-ның Орталық аппараты Басшысының орынбасары, Қазақстан Республикасы Парламенті Мәжілісінде «Нұр Отан» ХДП фракциясы аппаратының басшысы. 2008 жылғы маусым мен 2010 жылғы қазан аралығында әл-Фараби атындағы Қазақ ұлттық университетінің дамыту және құқықтық мәселелер жөніндегі проректор болып жұмыс атқарды. 2010 жылғы қарашадан 2012 жылғы ақпан аралығында Қазақстан Республикасы Білім және ғылым министрлігі Құқықтық қамтамасыз ету және мемлекеттік сатып алулар департаментінің директоры. 2012 жылғы наурыздан 2014 жылғы сәуірге дейін Қазақстан Республикасы Білім және ғылым министрлігі Ғылым комитетінің төрағасы. 2014 жылдың маусым айында «Ғылыми-техникалық ақпарат ұлттық орталығы» АҚ-ның директорлар кеңесінің төрағасы болып тағайындалды.
«Білім берудің үздік қызметкері» төс белгісімен, «Қазақстан Республикасының Парламентіне 10 жыл» және «Астана 10 жыл» медалдарымен, «ҚазҰУ 75» құрмет белгісімен марапатталған. Қазақстан Республикасы Президентінің Әкімшілігі Басшысының және Қазақстан Республикасы Парламентінің Мәжілісі Төрағасының алғыстарына ие.
