Қадыл Секенұлы Таласпеков
.jpg)
Қадыл Секенұлы Таласпеков 1951 жылы 21 қыркүйекте Қарағанды қаласында дүниеге келген. Алматы темір жол көлігі инженерлері институтын, Қарағанды политехникалық институтын тәмамдаған. ҚР құрметті теміржолшысы, экономика ғылымының кандидаты, техника ғылымының докторы.
1977-1997 жылдары - Қарағанды темір жолы бөлімшесінің поезд диспетчері, аға диспетчердің орынбасары, тасымалдау бөлімі бастығының орынбасары, бастығы - жолдар бөлімінің бөлімше бастығының орынбасары. 1997-1998 жылдары - Сарыарқа темір жолы бастығының орынбасары, бастығы. 1998-1999 жылдары - «Қазақстан темір жолы» республикалық мемлекеттік кәсіпорнының «Қарағанды тасымалдау бөлімшесі» филиалының бастығы. 1999-2002 жылдары - «Қазақстан темір жолы» республикалық мемлекеттік кәсіпорны бас директорының орынбасары. 2002-2006 жылдары - «Қазақстан темір жолы» ҰК» ЖАҚ-ның вице-президенті. 2006-2008 жылдары - «Қазақстан темір жолы» Ұлттық компаниясы» АҚ-ның бас инженері. 2008 жылы - «Қазақстан темір жолы» Ұлттық компаниясы» АҚ-ның бірінші вице-президенті. 2008-2010 жылдары - «Локомотив» АҚ-ының президенті. 2010 жылдың жетоқсанынан - «Қазақстан темір жолы» Ұлттық компаниясы» АҚ-ның қауіпсіздік жөніндегі басқарушы директоры. Медальдармен марапатталған.
