Серік Ордабекұлы Тұрбеков

 Серік Ордабекұлы Тұрбеков 1956 жылы 4 желтоқсанда Оңтүстік Қазақстан облысында дүниеге келген. К.А.Тимирязев атындағы ауыл шаруашылығы академиясын бітірген, ғалым-агроном.
1980-1982 жылдары - «Қаракөл» ғылыми-өндірістік бірлестігінде зертханашы. 1982-1985 жылдары - К.А.Тимирязев атындағы Мәскеу ауыл шаруашылығы академиясының аспиранты. 1985-1988 жылдары - «Красноводопад» мемлекеттік селекциялық стансасының аға ғылыми қызметкері. 1988-1997 жылдары - «Шымкент» ғылыми-өндірістік бірлестігінің аға ғылыми қызметкері, директоры. 1997-1999 жылдары - Оңтүстік Қазақстан облысы әкімінің орынбасары. 1999-2003 жылдары - ҚР ауыл шаруашылығы министрлігі жанындағы агроөнеркәсіп кешенінің ОҚО бойынша аумақтық инспекциясының бастығы. 2007-2008 жылдары - «Оңтүстік» ӘКК ҰК АҚ басқарушы директоры. 2008-2010 жылдары - «Оңтүстік» ӘКК ҰК АҚ басқарма төрағасының орынбасары. 2010 жылғы тамыздан бастап ОҚО Мақтаарал ауданының әкімі.
«ҚР тәуелсіздігіне 10 жыл», «Ерен еңбегі үшін» медальдарымен марапатталған, Сайрам ауданының құрметті азаматы.