Серік Шәуенұлы Тәукебаев

Серік Шәуенұлы Тәукебаев  1961 жылы 26 ақпанда Оңтүстік Қазақстан облысының Түркістан қаласында дүниеге келді.  Қазақ химия-технологиялық институтының құрылыс-инженерлік факультетін (1983) құрылыс инженері мамандығы бойынша; Шымкент университетінің заң факультетін (2004) заңгер мамандығы бойынша; Қарағанды экономикалық университетінің экономика факультетін (2005) экономист мамандығы бойынша бітірген. «Нұр Отан» ХДП мүшесі.
1983 жылдан - «Қазболатконструкция» тресінің №2 Жамбыл облыстық басқармасының шебері.
1984 жылдан - «Средазтрансстрой» тресінің инженер-экономисі, құрылыс шебері, прорабы, аға прорабы, бас инженерінің орынбасары, бас инженері, СМП-194 бастығы (ОҚО Түркістан қаласы).
1996 жылдан -«Түркістанкөлікқұрылысмонтаж» АҚ бірінші вице-президенті, директоры.
1999 жылдан - Түркістан қаласы әкімінің орынбасары.
2001 жылдан - Оңтүстік Қазақстан облысының құрылыс, сәулет және аумақтар құрылысы департаментінің бастығы.
2002 жылдан - Оңтүстік Қазақстан облысындағы Жер инспекциясының бастығы.
2005 жылдан - Оңтүстік Қазақстан облысындағы Жер қатынастары басқармасының бастығы.
2006 жылдан - ОҚО Арыс қаласының әкімі.
2008 жылдың наурызынан қарашасына дейін - ҚР Президенті Әкімшілігінің мемлекеттік инспекторы.
2009 жылдың ақпанынан - ҚР Еңбек және халықты әлеуметтік Қорғау министрлігінің Көші-қон комитеті төрағасының орынбасары.
2010 жылдың қазанынан  - Шығыс Қазақстан облысы әкімінің орынбасары.
2012 жылдың ақпан айынан 2013 жылдың мамыр айына дейін - Өскемен қаласының әкімі лауазымын атқарды.
«Қазақстан Конституциясына 10 жыл» (2005), «Астананың 10 жылдығы» (2008) медальдарымен марапатталған.  Әскери атағы - запастағы подполковник.