Тасболат Мәрденұлы Мұхаметқалиев

Тасболат Мәрденұлы Мұхаметқалиев 1937 жылы 29 желтоқсанда Алматы облысы Көксу ауданы Мұқыр ауылында дүниеге келген. 1961 жылы ҚазМУ-ды (қазіргі ҚазҰУ) және осы университеттің аспирантурасын (1964) бітірген. Химия ғылымының докторы (1991), профессор (1993). ҚР Білім беру ісінің үздігі (1993), ҚР Білім беру ісінің құрметті қызметкері (2005).
1964–1968 жылдары ҚазМУ-да ассистент, аға оқытушы, доцент, 1968-1972 жылдары Республикалық Жоғары және орта білім минстрлігінде инспектор, 1972-1988 жылдары Жамбыл жеңіл және тамақ өнеркәсібі технология институтының (қазіргі Тараз мемлекеттік университеті) ректоры, 1988-1995 жылдары Білім министрлігінде басқарма бастығы, 1995-2000 жылдары ҚР ҰҒА-да Бас ғалым-хатшының орынбасары, бөлім бастығы, 2000-2009 жылдары Алматы технология университетінде 1-проректор болды. 2009 жылдан ректордың кеңесшісі қызметін атқарады. «Синтез, стереохимия и химические превращения 1, 2, 3-алкил (алкенил, алкинил) пиперидин – 4-онов (олов) и исследование биологической активности» тақырыбында докторантуралық диссертация қорғады. 120-дан астам ғылыми жарияланымның, оқу құралдарының авторы.