Жақсыбек Құлекеев Әбдірахметұлы

Жақсыбек Құлекеев Әбдірахметұлы 1957 жылы 24 шілдеде Талас ауданында (Бостандық кеңшары) туған – мемлекет қайраткері, ғалым, экономика ғылым кандидаты. Қазақ ұлттық университетін бітірген (1979). 1979–92 ж. Алматы халық шаруашылығы институтында оқытушы, доцент, 1992–95 ж. Қазақ мемлекеттік басқару академиясының кафедра меңгерушісі, 1995 – 97 ж. ҚР статистика және талдау жөніндегі мемл. к-ті төрағасының 1-орынбасары, 1997 – 99 ж. ҚР Ұлттық статистика агенттігі Төрағасының 1-орынбасары, ҚР Экономика және сауда мин-лігінің Ұлттық статистика агенттігінің директоры, ҚР Стратегиялық жоспарлау мен реформалау жөніндегі агенттігінің статистика және сараптау к-тінің төрағасы, ҚР Ұлттық статистик. агенттігінің төрағасы, 1999 – 2003 ж. ҚР статистик. агенттігінің төрағасы, ҚР экономика министрі, ҚР экономика және сауда министрі, республикалық бюджеттің орындалуына бақылау жасау жөніндегі Есеп к-тінің төрағасы. 2003 жылдың мамыр айынан ҚР Білім және ғылым министрі. Қ. «Микроэкономика жөніндегі практикалық сабақтар» (1994 ж. кітабы авторларының бірі), «Инвестициялық институттар және жекешелендіру процестері» (1995), «Қазақстан экономикасындағы мемлекеттік құнды қағаздар» (1996), «Жобалық анализге кіріспе» (1996), «Микроэкономика» (1997), «Нарыққа өту жағдайындағы жер қатынастары» (1999) кітаптарының авторы.