Германия Украинаға жиырмаға жуық Leopard танкісін жеткізді
Украина Германиядан «Leopard-2» маркалы 18 танк алды, деп хабарлайды Azattyq Ruhy.
«Америка дауысы» басылымының жаузынша, Германия қорғаныс министрлігі қаңтарда Батыс арсеналындағы ең үздік деп саналатын танкілерді жеткізуге келісім берген болатын. Осылайша, Берлин қару-жарақ жіберуге қатысты ауыр шешім қабылдап, уәдесінде тұрды.
«Мен бұл танкілердің майданда шешуші рөл атқаратынына сенімдімін», - деп жазды Германия қорғаныс министрі Борис Писториус Twitter-де.
Киевтің пікірінше, бұл – Ресей басқыншылығына тойтарыс берудегі маңызды қадам.
Ал Мәскеу бұл қадамды қауіпті арандатушылық деп санайды.
Украинаға 18 танкіден басқа, «Мардер» жаяу әскерінің 40 жауынгерлік машинасы мен 2 броньды қалпына келтіру машинасы жеткізілді, деп хабарлайды құқық қорғау органдарындағы дереккөз.
Айта кетсек, неміс армиясы бірнеше апта бойы украиналық танк экипаждары мен әскери қызметкерлерді жаттықтырған болатын.
«Украина сонымен қатар Португалия сыйлаған үш «Leopard» танкін алды», - дейді дереккөз.
