Трамп өзін «зорлады» деп айыптаған жазушы әйелді сотқа берді
Кәсіпкер және АҚШ-тың бұрынғы президенті Дональд Трамп 27 маусымда жазушы Элизабет Джин Кэрроллды сотқа берді, деп хабарлайды Azattyq Rýhy Bloomberg агенттігіне сілтеме жасап.
«Сейсенбі күні кешке бұрынғы президент қарсы талап арыз берді. Кэрролды оның абыройына нұқсан келтірді деп айыптады», - делінген агенттіктің хабарламасында.
Трамп Кэрролды өзінің мәлімдемесі арқылы беделіме нұқсан келтірді деп айыптап отыр.
Джин Кэрролдың айтуынша, бұл оқиға 1996 жылы болған. Жазушы Дональд Трамптың Манхэттендегі әмбебап дүкеннің киім ауыстыратын бөлмесінде зорламақ болғанын алға тартады.
Мамыр айында сот Трамп пен Кэррол ісіне қатысты үкім шығарған болатын. Сот АҚШ-тың бұрынғы президентін жазушыны зорламақ болғаны үшін кінәлі деп тапты. Нәтижесінде Трамп Кэрролға 5 млн доллар өтемақы төлеуге міндеттелді.
