Туристер жағажайда жаппай төбелесті (видео)
Туристер жағажайда жаппай төбелес ұйымдастырып, бір-біріне шыны бөтелке лақтырды. Оқиғаның видеосы мен егжей-тегжейін Daily Mail жариялады, - деп хабарлайды Lenta.ru басылымы.
Оқиға Ұлыбританияның Эссекс округіндегі Саутенд-он-Си қаласында болған.
Желіде жарияланған кадрларда оннан аса ер адамның бір-біріне жиһаз: орындықтар, үстелдер мен қолшатырларды лақтыра бастағанын көруге болады.
Сонымен қатар, жақын жерде демалушылар қақтығыс болған жерден кетуге тырысады.
Салдарынан кейбірі өткір заттардан орташа ауыр жарақат алды.
Қазір жергілікті полиция қақтығысты бастаушыларды іздеуде.
"Бұл - қоғамға қарсы мінез-құлық. Біз осы адамдармен таныс адамдардың барлығынан бізбен хабарласуды сұраймыз", - деді құқыққорғау органдарының қызметкерлері.
Ұлыбританияда оқиға болған күні температура 28 градусқа дейін көтеріліп, жергілікті жағажайлар адамдарға толды.
Адам көбеюіне байланысты қоғамдық орындарда патруль күшейтілді.
