Түркияда көз жұмған Қазақстан азаматының кім екені белгілі болды
Түркияда денесі табылған адамның Әділ Қадырбеков екені анықталды, деп хабарлады Сыртқы істер министрлігінің ресми өкілі Айбек Смадияров. Ол зілзала болған сәтте қаза тапқан, - деп хабарлайды Alashainasy.kz тілшісі sn.kz-ке сілтеме жасап.
8 ақпанда кешке Хатай провинциясының Антакия қаласында іздестіру-құтқару жұмыстары кезінде Түркия азаматы тірі табылып, оны бастапқыда Құбылай Кескин деп таныды. Бірақ кейіннен туыстары бұл ақпаратты жоққа шығарды.
9 ақпан күні таңертең іздестіру-құтқару жұмыстары жалғасып, олардың барысында Түркияның азаматы Құбылай Кескиннің денесі табылып, оны туыстары растады.
Сондай-ақ, апат болған жерде ҚР азаматы Әділ Қадырбековтің де денесі табылды.
Сыртқы істер министрлігі қаза тапқан отандасымыздың денесін елге жеткізуге барынша жәрдем көрсетеді.
