Жойылу қаупі төніп тұрған мемлекеттер белгілі болды
Климаттың өзгеруі мен теңіз деңгейінің көтерілуі шағын аралдық мемлекеттердің жойылуына әкелуі мүмкін. Біріккен Ұлттар Ұйымының жаһандық жылынудың әсері туралы баяндамасы жарияланғаннан кейін, бірнеше мемлекеттер өздерінің тұрғылықты елді-мекендеріне жойылып кету қаупі төніп тұрғанын мәлімдеді, деп хабарлайды Stan.kz ақпарат агенттігі NBC News-ке сілтеме жасап.
Жағалау мен жазықта орналасқан 39 елдің альянсы дамыған елдерді "өмір мен тіршілік көзін" сақтап қалу үшін жаһандық жылынудың температурасын 1,5 градустан жоғары көтермеуі үшін қолдан келгеннің бәрін жасауға шақырды.
"Климаттың өзгеруі жөніндегі үкіметаралық топ шағын арал мемлекеттеріне төніп тұрған қауіпті растайды: циклон күшейіп, теңіз деңгейі көтерілуде, бірақ біз әлі де алда болатын ең нашар әсерлердің алдын ала аламыз" ,- деді Кіші арал штаттарының альянсы келіссөз жүргізушісі Дайан Блэк-Лейн IPCC есебі жарияланғаннан кейін 9 тамыз, дүйсенбі күні сөйлеген сөзінде.
Ұйымның есебінде бүкіл әлем бойынша көміртегі бөлінуінің азаюы жаһандық жылынуды тоқтатуға көмектеседі, алай да теңіз деңгейі бәрібір көтеріле береді, бұл жағалаудағы елдерді су басу мен жою қаупіне ұшыратуы мүмкін.
Тынық мұхитындағы үш аласа архипелагтан тұратын Кирибати штаты аса қауіпті аймақта орналасқан. IPCC мәліметі бойынша, тек судың 0,9 метрге ғана көтерілуі осы ғасырдың соңына дейін ел аумағының үштен екі бөлігін басып кетуі мүмкін.
Әлемдегі ең төмен орналасқан елдердің бірі Мальдив аралдарының президенті Мохамед Нашид тұрғындарға үлкен қауіп төніп тұрғанын мәлімдеді.
Кіші аралдық мемлекеттер альянсы қатарына Сингапур, Сейшел аралдары, Фиджи, Папуа-Жаңа Гвинея, Доминикан Республикасы, Куба, Багам аралдары мен Белиз елдері жатады.
