ӘЛЕМ ШЫҢЫН БАҒЫНДЫРҒАН МАХМУД САБЫРХАН ЖАСТАРМЕН КЕЗДЕСТІ
Небәрі 20 жасында әлемнің шыңын бағындырған Махмуд Сабырхан жастармен кездесті. Дүбірлі додадан кейін бір апталық демалыста жүрген былғары қолғап шебері қатарластарымен ешқандай сырын бүкпестен әңгіме дүкен құрды. Өзінің өмірбаяны мен алдағы жоспарлары туралы айтқан Махмуд үзеңгілестеріне үлкен мотивация болды.
Белградта өткен әлемдік додада 54 келіге дейінгі салмақта сынға түскен Махмуд Сабырхан финалда жапониялық Томоя Цубойға есе жіберіп, күміс жүлдегер атанды. Құттықтау сәтінде эмоцияға ерік берген қазақ жігітінің ендігі мақсаты, жапондыққа кеткен есесін қайтарып, олимпиада шыңын бағындыру екен.
Махмуд Сабырхан – Әлем чемпионатының күміс жүлдегері
Өз қатарластарымен кездесуде ашылып әңгіме дүкен құрған Махмуд өзінің 12 жастан бастан боксқа келгенін айтады. Әлемнің шыңын бағындырған былғары қолғап шеберінің әкесі де спорттан алыс емес екен. Егер, боксқа бармағанымда әкемнің ізін басып күреске қарай бет бұратын едім, дейді жас спортшы. Өзінің еңбекқорлығымен көпке үлгі болған қаршадай ғана қазақ баласы жастарға мотивация болды.
Ерсұлтан Байжігіт – студент
Небәрі 20 жасында ел намысын қорғап, көк туымызды көкке көтерген қазақ жігітінің алдағы армандары асқақ. Сол арманға жету үшін мақсат қойған Махмуд бір апталық үзілістен кейін қызу жаттығуға қайта кірісемін, дейді. Жас спортшы олимпиада шыңына шықпайынша тоқтамаймынын жеткізді.