8 Наурыз мерекесі қай елде қалай тойланады?

Халықаралық әйелдер күні әлемнің көптеген елдерінде тойланады. Тіпті кейбір жерлерде ол ұлттық мереке болып есептеледі. «Әр елдің салты басқа, иттері қара қасқа» демекші, жер-жерлерде халықаралық әйелдер күні түрліше ғұрыптармен тойланады.

Мысалы, Португалия мен Румынияда тек әйелдер ғана «Women-only» атты мерекелік кешкі асқа жиналады екен. Бұл күні ол жақтағы әйелдер қауымы сүйіктілерінен сыйлық алып, мәре-сәре болады. Бұрындары ежелгі римдік әйелдер барын киіп, мерекелік көңіл-күймен шіркеулерге барған.
Итальяндық жігіттер нәзік жандыларға сары түсті акация тектес гүлдерді сыйлайды. Сондай-ақ қыз-келіншектерге 8 наурыз күні мәдени ошақтарға тегін билеттер беріледі екен.
Ресейде гүлдермен қатар, шоколадтар да – мерекелік сыйлықтардың ең көп таралған түрі.
Ал АҚШ, Еуропада азаматтар бұл күні қыз-келіншектерді құттықтап, мәре-сәре болады. Сонымен қатар Қытай мен Корея мемлекеті атаулы күнге ерекше мән береді екен. Бірақ Түркияда әйелдер мейрамы бар деп есептелінгенімен, онда онша тойланбайды. Сондай-ақ Данияда 8 Наурыз мерекесі мүлдем тойланбайды. Есесiне, даттарда мамырдың екiншi жексенбiсi – «Аналар мейрамы».
Бұл мереке көптеген елдерде әйелдердің қазіргі қоғамдағы орнын, күш-жігерлерін айшықтай түседі. Көптеген іс-шаралар осы тақырыптың айналасында өрбиді.

Халықаралық әйелдер мерекесін өз деңгейінде атап өтетін елдер:
Румыния, АҚШ, Германия, Австрия, Швейцария, Голландия, Чехия, Венгрия, Франция, Ресей, Финляндия, Норвегия, Исландия, Индонезия, Үндістан, Португалия, Румыния, Қытай, Италия, Иран, Өзбекстан, Әзiрбайжан, Армения, Грузия, Қазақстан, Қырғызстан, Молдавия, Тәжiкстан, Түрiкменстан, Украина, Белоруссия т.б. көптеген елдерде 8 наурыз халықаралық әйелдер мерекесi ретiнде аталып өтедi.