Италия нарығына жіп шығарамыз

«Қызыға бермей итальяндық бұйымға, мата шығару Қазақс­танға қиын ба?» деп армандай­тынбыз. Ендігісі – сол үмітіміз ақталған сыңайлы. Итальяндық­тар қазақстандық жүн өндірісіне қызығушылық танытуда.
Тараздық кәсіпкерлер биылғы жылы итальяндық өндіріс орнымен бірлескен кәсіпорын ашуды көздеп отыр.
Марат ОТЫНШИЕВ, «ПОШ Тараз» фабрикасының директоры:
– «ПОШ-Тараз» фабрикасында жіп иіру өндірісі ашылмақ. Бізде топс өндіріледі, енді итальяндық рынокқа арнап жіп өндіретін боламыз. Италия­лықтар құрал-жабдық, технология­мен жабдықтау жағына жауапты. Нарыққа шығару да – солардың мойнында. Соның негізінде біз – 20 пайыз, итальяндықтар 14 пайызды бөліспек. Қыркүйек айында ашуды жоспарлап отырмыз.
Итальяндықтар технологиямен жаб­дықтаса, «Тараз» СПК айналымға арналған қажетті шикізат пен ғимаратты қайта жаң­ғыртуды қолға алмақ. Жоспарланған уақыт­та бәрі дайын болғасын өнім өндіруді бастамақ. Жоспар бойынша жылдық қуаты  1 мың тоннаны құрамақ. Ал айына 80 тон­на өнім шығарылатын болады. Италия­лықтар мата шығаруды көздеп отыр. Оны еліміздегі нарыққа шығармақ.