Мереке күндері ХҚО-лар мен АвтоХҚО-лар қалай жұмыс істейді
28 маусым мен 6 шілде күндері Құрбан айт пен Астана күні тойланатындықтан, елімізде Халыққа қызмет көрсету орталықтары (ХҚО) мен мамандандырылған ХҚО-лар жұмыс істемейді. Бұл ретте, 7 және 8 шілде күндері азаматтарды сағат 13:00-ге дейін тек кезекшілік белгіленген ХҚО-лар мен АвтоХҚО-лар қабылдайды, - деп хабарлайды Alashainasy.kz тілшісі "ҚазАқпарат"-қа сілтеме жасап.
«Азаматтарға арналған үкімет» мемлекеттік корпорациясының баспасөз қызметінен мәлім еткендей, 1 шілде мамандандырылған және қарапайым Қызмет көрсету орталықтары үшін жұмыс күні саналады. Бұл күні ХҚО-лар азаматтарды 18:00-ге дейін, мамандандырылған ХҚО-лар 20:30-ға дейін қабылдайды.
Қазіргі уақытта елдегі мамандандырылған ХҚО-лар шетелдік көліктерді тіркеу жұмысына тартылып, күшейтілген режимде жұмыс істеп жатыр. 1 шілдеге дейін олар азаматтарды жұмыс күндері 9:00-ден 19:00-ге дейін (құжаттарды беру – 20:30-ға дейін), сенбі 9:00-ден 18:00-ге дейін (құжаттарды беру 19:30-ға дейін) қабылдайтынын еске салайық.
Жалпы Халыққа қызмет көрсету орталықтары азаматтарға жұмыс күндері 9:00-ден 18:00-ге дейін, кезекші бөлімшелері - 9:00-ден 20:00-ге дейін, сенбі күні - 9:00-ден 13:00-ге дейін қызмет көрсетеді. Шетелдік көліктерді тіркеу аяқталғаннан кейін мамандандырылған ХҚО-лар осы кестеге оралады.
