Қайын атасымен төсектес болған келін: "Дәрі беріп тауға күштеп әкетті"

25 жастағы түркістандық келін Асия 54 жастағы қайын атасымен 8 жыл бойы төсектес болып келген болатын. Алайда шындық мүлдем басқаша екен.

Бұл туралы Caravan.kz медиа-порталы хабарлайды.

Естеріңізде болса, еліміздегі танымал ток-шоулардың бірінде түркістандық келін туған қайын атасымен төсектес болғанын есітіп, жұрт жағасын ұстаған болатын.

Эфирде қайын атасымен қазір бақытты екендігін айтқан Асия эфирден соң, өз шындығын жайып салды.

"Мен тұрмысқа шыққалы жәбір көріп келе жатқан қызбын. Мені қайын атам Үсен дәрі беріп, тауға алып кетіп күштеп ұстап отырды. Эфирде айтқан сөздерімнің бәрі жалған болатын, осылай айтасың деп мені қорқытты. Дәл қазір мені ешкім қорлап, қорқытып отырған жоқ, өз еркіммен айтып отырмын. Барша қазақ елінен шын жүректен кешірім сұраймын, және апам Бибісарадан кешірім сұраймын. Ол туралы жалған ақпарат айтуға мені мәжбүрледі. Құшақтасып жатқанымызды көрдім деп айтасың деді. Пышақ көрсетті, қорқытты. Тауда жүргенде баламды ұрды. Үсеннен мені құтқаруларыңызды өтініп сұраймын. 2013 жылдан бастап маған дәрі беріп келеді, бас қойдыртатын дәрі деп зорлап ішкізеді." - дейді Асия.

Жас келін Асияның айтуынша аталған дәріден кейін не істеп, не қойғанын білмей қалған. Дегеніне көніп, айдауында жүрген көрінеді. Дегенмен көпшіліктің пікірі екіге жарылды. Кейбірі бұл шындыққа аса сене қоймады,енді бірі мұны інісі сыбырлап айтқызып тұр деген ойда қалды.