Қатерлі ісікке шалдыққан "Атырау аруы" халықтан көмек сұрады

2015 жылы "Атырау аруы" атанған Гаухар Қасаева осыдан бір жарым жыл бұрын қатерлі ісікке шалдыққанын айтып, халықтан көмек сұрады. Алғашқы отадан кейін шетелде ем алуға қаражаты жетпеген ару қайта ауырған соң осы әрекетке баруға мәжбүр екенін жеткізді деп хабарлайды NUR.KZ.

20 жастағы бойжеткен өзінің дерті туралы Instagram парақшасында жазған. Ол өзін Қазақстанда емдей алмайтынын, тек Израильге немесе Оңтүстік Кореяға бару қажет екенін жеткізіпті.

Гаухардың толық емделуіне 30 мың АҚШ доллары қажет екен.

"2018 жылдың 24 тамызында маған екінші рет ота жасады. Президент клиникасындағы және Қазақстандағы басқа да ірі онкологтарға жолықтық. Ешқайсысы жақсы нәрсе айтпады.
Олар бұл жағдайда Қазақстан медицинасы қауқарсыз екенін, маған тек Израильге немесе Оңтүстік Кореяға ұшу керек екенін жеткізді. Сөздерімді растау үшін құжаттарымды да қыстырып қойдым", - деген ару өз жазбасында.

Егер Гаухарға көмек бергісі келетін жандар болса, төмендегі реквизитке қаржы аудара алады.

Kaspi Gold: 51 69 49 31 07 40 24 41

ЖСН: 980418450761