Қазақстанның оңтүстігіндегі интернатта зорлау ісі: Сот ақтау үкіміне түсініктеме берді
Түркістан облысында мектеп-интернатта оқушыны зорлаған жасөспірім ісі бойынша ақтау үкімі шықты. Сот өз шешіміне түсініктеме берді деп хабарлайды Sputnik Қазақстан.
Басылым редакциясы шығарылған үкімді түсіндіруді сұрап, сотқа ресми сұрау жіберді.
Ведомствалық орган жасөспірім "бірнеше рет жасалған жыныстық сипаттағы зорлық-зомбылық әрекеттері" бабы бойынша айыпталды деп жауап берді. Іс материалдарына сәйкес, ол жәбірленушіні 2016 жылы 6, 7 және 9 қыркүйекте, 2017 жылы 13 мамырда , 2018 жылы 19 наурыз және 1 маусымда зорлаған.
Алайда сот процесі кезінде айыптау тарапы алқабилер қатысқан сотқа күдіктінің кінәсін растайтын дәлелдерді жеткілікті түрде ұсына алмаған.
Сондай-ақ, жүргізілген сараптама нәтижелері айыпталушының кінәсіздігін растады.
Осының негізінде Түркістан облысы қылмыстық істер жөніндегі мамандандырылған ауданаралық соты сот үкімін шығарды.
