Tik Toke үшін нанды аяғымен таптаған жігіт елдің ашуын туғызды (ВИДЕО)
"Тик Ток" үшін нанды аяғымен мыжып, таптаған жігіт жұрттың ашуына тиді. Бұл туралы Caravan.kz порталы хабарлайды.
Инстаграм әлеуметтік желісіндегі "qazaqstanda" парақшасында жарияланған видео қызу талқыға түсіп, елдің ызасын келтірді. Көпшілік бейнекөрініс аталған парақшада жарияланғандықтан Қазақстанда түсірілген топ топшылап отыр. Тик-ток үшін қазақстандықтардың да осындай бассыздыққа барып отырғаны көпшілікті түңілдіріп тастады.
"Масқара. Тоқшылық аздырар адам баласын… Кешегі атамыз осы нанға зар болып аштан қырылды емес па?
Мынау ұят енді. Алла сақтасын, нанды аяқпен басу не сұмдық. Алла кешірсін",- деп жазылған жазбаның астында қалдырған елдің пікірін оқып бітіру мүмкін емес.
"Малғұн","Нанның киесі ұратынын білмей ма сонда?","Мынаны ұстап алып қамап қою керек қой","Мәссаған, оңбаған аяғың сынса ғой","біреулер осы нанға зар ғой","тик ток үшін бәрін жасайтындар","Құдайдан безгендер"- деген сынды пікірлер қалдырды.
Еске салсақ, Тик ток жастар арасында кең танымал болған желі. Қазір әлемде оның аса зиян екені жиі айтыла бастады. Тіпті кейбір елдерде оған тиым салынған.
