Хиджабтағы қыздардың секс бапкерге көбірек баратыны анықталды
Қазақстанда жаңа пайда болған мамандық иесі – секс-жаттықтырушы Ксения Невмержицкая өзінің жұмысы мен клиенттері туралы айтып берді. Жас маман елімізде кәсібінің жақсы жүріп жатқандығын жасырмады деп хабарлайды NUR.KZ порталы.
30 жастағы секс-жаттықтырушы Ксенияның сұхбаты Instagram желісіндегі Esil.media парақшасында жарияланған. Маман аталмыш кәсіпті Тайландта оқып келіпті. Айтуынша, елімізде төсек қатынасын үйрететін арнайы орындар жоқ. Ал Тайландта әйелдер өз сабақ барысында түрлі тәсілдеріді үйреніп, нағыз рахатқа бөленуді меңгереді.
Ксения көбінесе, әйелдермен жұмыс жасайды. Бірақ кей уақытта еркектердің де көмек сұрап келетінін жасырмайды.
"Көбінесе менің сабақтарыма 40-қа жуық адам қатысады. Оның ішінде екеуі міндетті түрде хиджабтағы қыздар болады", - дейді ол.
Жыныстық қатынас сабақтарына намаз оқып, дін жолына бет бұрған қыздар көбінесе жұбайларымен бірге келеді екен. Олардың түсінігі бойынша, қазақ қыздары мұндай тақырыпта сөз қозғауға ұялып, төсек қызықтарын "харам" деп санайды.
Айта кетейік, жас маманның сабақтарына жас тоқалдар да үзбей қатысатын көрінеді. Олар төсек қатынасы арқылы еркекті бағындыруға болатынын түсінген.
"Жыныстық қатынас сабақтарына келген жас қыздар тез үйреніп жатады. Олар осы әдіс арқылы барлық қалауларына қол жеткізе алатынын біледі", - дейді Ксения.
Маман көмегін сұрап, 57 жастағы әйелдің келген кезі болыпты. Төсек қатынасының қыр-сырын жақсылап меңгерген ол кейінірек ұстазына алғысын білдірген.
