Бекзат Саттарханов туралы деректі фильмнің тұсаукесері өтті
Түркістан қаласындағы Яссауи атындағы Халықаралық қазақ-түрік университетінде бокстан Олимпиада чемпионы Бекзат Саттарханов туралы деректі фильмнің тұсаукесері өтті. Фильмнің режиссері - Ермек Шахмет.
портшының 35 жылдығына арналған «Бекзат Саттарханов - Олимпиада чемпионы» фильмін «Omniars» кинокомпаниясы «Kemenger» журналымен бірлесіп түсірді. Картинаның сценарийін жазған - тілшілер Дина Балқашқызы мен Әйгерім Жұмаханова.
Лента спортшының балалық, бозбала шақтары және жетістіктері туралы баяндайды. Түсірілімге Олимпиада чемпионының ата-анасы, жаттықтырушылары мен достары қатысты. 1999 жылы кәсіби шаршы алаңға шығып, бір жылдан кейін Сиднейдегі Олимпиада ойындарының чемпионы атағын алған Бекзат Саттарханов Қазақстанның ең үлкен және сенсациялық жаңалығы болды. Бірақ жеңісінен кейін үш ай өткен соң, ол көлік апатынан қаза тапқан.
Премьераға боксшының ата-анасы, Олимпиада чемпиондары Бақыт Сәрсекбаев пен Серік Сәпиев қатысты. Аталған жоба Бекзат Саттарханов атындағы XIV халықаралық жарыстың ашылуына орайластырылған. Фильм сондай-ақ қазақстандық бокстың жас аңызына құрмет көрсету болып табылады. Түсіру тобы Түркістан қаласының әкімдігіне қолдау көрсеткені үшін алғыс білдіреді.
Өз кезегінде, көрермендер бұл картинаны ду қол шапалақтап қарсы алды. Қазіргі уақытта кинокомпания сондай-ақ толықметражды көркем фильм - Бекзат Саттарханов туралы биографиялық драманы түсірумен айналысуда.
