«Шаңырақтың» таланттары басшыларын қуантты

Алматыда еркін күрестен жасөспірімдер арасындағы халықаралық турнир аяқталды.
Бұл турнир КСРО біріншілігінің жеңім­пазы, Қазақстанға еңбек сіңірген жат­тық­ты­рушы, «Шаңырақ» дарынды балалар спорт мектебінің директоры Асқарбек Иман­құловтың жүлдесі үшін өткен бола­тын. Алпысқа толған Асқарбек ағамыздың мерейтойына арналған-ды.
«Турнир өте қызықты өтті. Әрі биылғы ел чемпионаты алдында балуандардың деңгейін байқап көру үшін таптырмайтын сын болды» дейді Қазақстан жасөспірімдер құрамасының аға бапкері Нұрғали Рақ­ман­құлов. Оның үстіне өзбек пен қырғыз ағайындарымыз да балғын балуандарын әкеліп, турнирдің мәртебесін өсіргендігін де тілге тиек етті, білікті маман.
Сонымен екі күнге созылған турнирдің қорытындысы бойынша өз салмақтарында мына балғын балуандар жеңімпаз атанды: Азамат Тойбек (Алматы қаласы, 46 келі), Айтуған Жанжігітов («Шаңырақ» спорт мектебі, 48 келі), Қайрат Әміртаев («Ша­ңы­рақ» спорт мектебі, 50 келі), Қанат Бас­паев (Атырау облысы, 54 келі ), Ілияс Жұ­май («Шаңырақ» спорт мектебі, 58 келі), Александр Гольцман («Шаңырақ» спорт мектебі, 63 келі), Азамат Дәулетбеков (ШҚО, 69 келі), Әлім Уатқан (Алматы облысы, 76 келі), Ғани Тоқымбеков («Ша­ңы­рақ» спорт мектебі, 85 келі), Данияр Айсекенов (Атырау облысы, 100 келі).