Біз қай кезде де сондай ұсақ болғанбыз
Қазақтар пәтер жалдаушыларды үйлерінен қуып шығып пәтерлерін Ресейдегі мобилизациядан қашып келгендерге бірнеше есе қымбат бағаға беріп жатыр, олар нағыз сатқындар деп даурығуда кейбіреулер. Олар сатқындар емес, олар -- нағыз қазақтар.
Көпшілік соны, яғни біздің қандай халық екенімізді түсінбей отыр, шындығында біз қай кезде де сондай, яғни ұсақ болғанбыз. Оны мен 44 жыл үш облыста және Астанада қызмет істеген тәжірибемнен білем.
Біз ұлт ретінде қалыптасып үлгірмеген, рулық, тайпалық дәуірден шыға алмаған кішкентай халықпыз. Бірақ оны өзіміз ешқашан мойындамаймыз кеудемізді ұрып. Кеуде ұру да ұсақтықтың, дамымағандықтың белгісі.
Бір ғана мысал келтірейін. Жақсы адам, тәрбиелі, білімді, мәдениетті адам басқа біреулерді жамандап, балағаттай ма олардың жаман екенін біліп тұрса да. Жоқ, жақсы адам ешқашан өзгелерге тіл тигізбейді, олай жасауға арланады.
Ал, біз өмір бойы әлдебіреулермен ұрсысып, небір ұятты, әбес сөздер айтып көкбеттілік танытумен келеміз. Осыдан-ақ біздің кім екенімізді тани беруге болады.
Айтайын дегенім, пәтерлерін ресейліктерге беріп жатқан қазақтарға бекер ренжисіздер.
Тоқетері: ұятты білмеген адамнан жақсылық күтуге болмайды7
Сейфолла Шайынғазы
Фейсбуктегі парақасынан
