Бұл ауыл облыс әкімдерінің ешбірін "тірідей" көрмеген. Көрсе айтары баршылық

Ауылға барсаң "журналиссің ғой, айтсаңшы" - деп ағайын бас салады. Айтып-ақ жатырмыз, амал және тыңдар құлақ жоқ. Алматы облысының Кербұлақ ауданында Малайсары деген ауыл барын облыс түгілі аудан басшылары білмейтін секілді, бармайды, тілдеспейді. Бұл ауыл облыс әкімдерінің ешбірін "тірідей" көрмеген. Көрсе айтары баршылық. Төрт қабатты үйлердің төбесінен сорғалаған су жертөлеге бір-ақ өтіп жатыр. Қызыл кірпіш үгіле бастаған. Үстіңгі қабаттар қаңырап қалған. Подъездге кірсең көк исі қолқаңды қабады. Бір ағамыз "Егер мына үйлер мыңдаған адамды басып қалса қазып алмаңдар, тірімізде ешкім тыңдамады, ал өлген соң тәніңді топырақ көмді не, тас көмді не, бәрібір" - деп ашуланып отыр.
Ауылға ауызашар бергенде елдің артқан аманаты осы болды, қиянат жасамайын. Суреттерді бұрын түсіріп, "Шахтинск оқиғасы қайталануы мүмкін" - деп айтып едім, тағы айтайын, біреу селт ететін болса...

Serik Abikenuly
Фейсбуктегі парақшасынан