Оны ойлайтын қазақ көрмей тұрмын...

Қазақ "Бақ соқыр болады. Кейде таздың басына, соқырдың көзіне, пұшықтың мұрнына қонады" дейді...

Ежелгі римдіктер Сәттілік құдайы - Фортунаны соқыр әйел кейпінде бейнелейді..

Бақ деген немене?
Қазақ қоғамы нені "бақ" деп түсінеді?.

Біреу үшін бақ - ақша, екінші біреу үшін - билік, тағысын тағылар..

Түнде ғана Қанат Қабдрахмановтың сайтынан "Антиқұндылық" туралы оқыдым.
Қанекеңнің пайымын дұрыс түсінсем, Абай заманында күшіне ене бастаған қазақтың деградациясы өз мәресіне таяп қалды..

Шынында да, хандық құрып қазақ атанғалы бізді құрып кетуден кездейсоқ жағдайлар құтқарып келеді (Кездейсоқтықтың да өз заңдылығы болса керек).

Жоңғарды Қытай құртты.
Қоқан мен Хиуаны Ресей құртты.
Ресейді большевиктер құртты.
Большевиктер құрған КСРО өзін өзі жалмап тынды..
Қарап отырсаңыз, Тәңіріміз қазаққа қаншама рет мүмкіндік бергенін аңғарасыз...

Тәңірінің де шыдамының шегі бар шығар..
"Күл болмасаң бүл бол" деп қолын бір сілтесе қайтеміз?

Оны ойлайтын қазақ көрмей тұрмын...
Қалай көреміз, айтқанның үнін өшіріп отырса...

Өмір Шыныбекұлы
Фейсбуктегі парақшасынан