Ашынған жалғызбасты ана қолын тіліп тастады

Жамбылда жәрдем ақы алу үшін жалғызбасты ана өзінің қолын тіліп тастады. Бұған мемлекеттен бөлінетін көмекті меншігіндей көретін шенділердің әрекеті себеп болды дейді.

ҚАРЫМСАҚ ҚЫЗҒАЛДАҚ, Жаңатас қаласының тұрғыны:
-Жәрдемақы үшін қырылысып жүрмін міне. Көріп отырған шығарсыздар. Шаршап кеттік алыстан. Көмектесулеріңізді өтінеміз. Жаңатаста осындай нәрселер болып отыр.

Мына бейнекөріністе, асыраушысы жоқ балалы анаға берілетін жәрдемақы дұрыс тағайындалмайды - деген бір топ ана комиссия мүшелерін жерден алып жерге салады. Айтуларынша, қудаламай жәрдемақыға қол жеткізу мүмкін емес.

-Мына жерде полиция қызметкері отырады. Ол жоқ. Бізді қорқытатын. Мыналар жалғыз басты аналар үш жасқа толғаннан кейін болмайды дейді. Бүкіл Жаңатас бойынша 14-15 ақ адам қабылдайды.

Ал жауапты мамандар тұрғындардың байбалам салуына негіз жоқ деп есептейді. айтуларынша, ендігі жерде еңбекке жарамды аналар қоғамдық жұмысқа тартылуы тиіс.

БИСЕН ШАЛАБАЕВ, Сарысу аудан әкімдігі жұмыспен қамту және әлеуметтік бағдарламалар бөлім бастығының орынбасары:
-Бұл кісілер үш жасқа толғаннан кейін түсіндірілген. Үш жастан соң біз арызданушы азаматты міндетті түрде қоғамдық жұмысқа жіберуіміз керек. Ал ол кісі істеуден бас тартуда. Өйткені мен балама қарау керекпін. Қарайтын адам жоқ деген сияқты.
 31.kz