Балаларға жыныстық қатынасты үйретудің не керегі бар? (фото)
Соңғы кездері балаларға арналған кітапшалар мен мультфильмдерде анайы суреттер мен порнографиялық сипаттағы көріністер көбейіп кетті. Тіпті қай бір жылы оқушыларға жыныстық тәлім тәрбие беретін пәнді мектеп бағдарламасына қосу туралы да айтылған еді. Осы орайда балаларға жыныстық қарым қатынас жайлы жетік білу қаншалықты керек?
Жыныстық қатынас тәрбиесі туралы балаларға арналған әдістемелік кітап әсіресе ғаламтор беттерінде қатты сынға алынған еді. Қазақтың танымына жат, ұлттық болмысына, ұстанымына қарсы келетін әрекеттерді кімдердің ойлап таба беретініне кейде қайран қаласың.
Былтыр Ресейден шыққан, француз тілінен аударылып, алдымен Атырауда кейін Алматы қаласында сатылымға түскен кітаптың мазмұны жұрттың жағасын ұстатқан еді.
«Мен қайдан пайда болдым» деген түрлі-түсті суретті кітапта жыныстық қатынастан бастап, баланың өмірге келуіне дейінгі мерзім толығымен әрі ашық жазылған. Тіпті түсінікті болу үшін суреттер де толып жүр. Балаларға арналған ктап емес, эротикалық журналдың беттерін еске салатын кітапты мамандар кейбір балабақшалардың сатып алып жатқанын да айтқан еді. Кітаптарымыз осындай болғанда, мультфильмдерімізде балалардың санасын улайтын түрлі эпизодтар өріп жүр. Ал алды томпайған, бөксесі бұлтиған, қысқа етек киген барби қуыршақтарға еліктеген бүлдіршіндеріміздің ертеңі қандай болмақ? Балалар көретін дүниелер қаншалықты елеп, екшеліп жүр?!