Күйеуіне ерегескен келіншек екі баласын тұншықтырып өлтірді
Таразда жантүршігерлік қылмыс орын алды. Күйеуіне ерегескен 26 жастағы келіншек ішінен шыққан екі баласын жастықпен тұншықтырып өлтірді. Балалардың үлкені бесте болса, кішісі, не бары бір жарым жаста ғана. Безбүйрек ана мұндай әректке баруын күйеуінің үнемі кемсітіп, ұрып-соғып, қорлағанымен түсіндірген.
Көршілерінің айтуынша, бұл отбасыда ұрыс-керіс жиі болып тұрған. Қанды оқиға түнде орын алған. Отбасыда болған кезекті ұрыс-жанжалдан кейін күйеуі үйден кетіп қалады. Ашуы басылған соң үйіне келген ер азамат екі баласының өліп жатқанын көреді.
Бейкүнә сәбилерін өз қолымен мерт қыл ана қазір қамауға алынды. Оның үстінен адам өлтіру бабы бойынша қылмыстық іс қозғалды. Егер жүргізілген сот-психиатриялық сараптама бойынша ақыл-есі дұрыстығы анықталса, онда қатыгез ана өмірлік бас бостандығынан айырылуы мүмкін.
Бауыржан ОСПАНҚҰЛОВ, Тараз қалалық ІІБ бөлім бастығының орынбасары:
– Айыпталушы өз кінәсін мойындады. Ол мұндай әрекетке күйеуімен ұрысқан соң барған. Отбасыдағы жанжалдан кейін өзінің кәмлеттік жасқа толмаған балаларын қасақана өлтіргенін айтып отыр.