Ленин өлімінің себебі нақтыланды

Владимир Ильич Лениннің өліміне оның ағзасындағы тұқым­қуалаушылық қасиеттің нашарлауы себеп болуы мүм­кін. Америкалық ғалымдар коммунистер көсемінің мерез­ден өлгені туралы тұжырымды жоққа шығарды.
Utro.ru порталының хабар­лауын­ша, Ленин өлімінің себе­біне қатысты жорамал Америка­ның Мэриленд штатында өткен халы­қаралық медициналық кон­ферен­цияда айтылды. Ға­лым­дар Ленин­нің денесін кесіп, талдау жүргізген. Зерттеудің нәтижесіне қарағанда, әлемдік пролетариат­тың көсемі бас миы қан тамыры­ның қатаюымен ауырған. Мұндай кесел инсульт­тың салдарынан жабысқанға ұқсайды. 53 жыл өмір сүрген саясаткердің ағза­сын­дағы қор­ғаныш жүйесі де әлсіз болған. Естеріңізге сала кетейік, ресми нұсқа бойынша, Ленин өлімінің себебі «бас миы тамыр­ларының зақымдануымен бай­ланысты диффузды атерос­кле­роз» делі­неді. Алайда бір топ еуропалық ғалым оның жыныс­тық жолмен жұғып, жүйкені за­қым­дайтын аурудан қайтыс бол­ғанын дә­лел­деуге тырысады.