Өмір сүру ұзақтығы жөнінен Гонконг әйелдері көш бастайды

Әйелдерінің ұзақ жасауы жөнінен Гонконг әлем бойынша алғашқы орынға шықты. Осы кезге дейін 26 жыл қатарынан бұл көшбасшылық Жапониядан ауыспай келген еді.
The Japan Times басылымының хабар­­лауынша, Жапонияның Ден­сау­лық сақтау, еңбек және әлеуметтік қамсыздандыру министрлігі 2011 жыл бойынша әлем елдері тұрғын­да­рының өмір сүру ұзақтығы туралы мәліметтерді жария еткен. Бұрын Жапония әйелдерінің өмір сүру ұзақ­тығы орта есеппен 86,3 жас болатын. 2011 жылдың қорытындысы бойынша бұл көрсеткіш 85,9 жасты құ­рады. Ал Гонконг әйелдерінің ор­та­ша өмір сүру жасы 86,7 жылға жетті. Сөйтіп, соңғы ширек ғасырда тұңғыш рет жапониялық әйелдер өмір сүру ұзақтығы жөнінен көш бастамайтын бол­ды. Ерлердің ұзақ жасауы бойын­ша да Гонконг алдыңғы орынға шығып отыр. Бұл елде ерлер орташа есеппен 80,5 жас жасайды. Өмір сүру ұзақ­ты­ғы жөнінен Гонконгтан кейінгі орын­дар­да Швейцария мен Исландия хал­қы тұр.